இது குறித்து திருச்சி கோட்ட ரயில்வே நிா்வாகம் வெளியிட்டுள்ள செய்திக்குறிப்பு: பொறியியல் பணிகள் காரணமாக, செங்கோட்டை - மயிலாடுதுறை விரைவு ரயிலானது (16848) வரும் 18, 19, 20, 21, 21 ஆகிய தேதிகளில் கள்ளிக்குடி, திருமங்கலம், திருப்பரங்குன்றம், மதுரை, கொடைக்கானல் சாலை, திண்டுக்கல் வடமதுரை, வையம்பட்டி, மணப்பாறை ரயில் நிலையங்களைத் தவிா்த்து விருதுநகா், மானாமதுரை, காரைக்குடி, திருச்சி வழியாக இயக்கப்படும். கன்னியாகுமரி - ஹவுரா அதிவிரைவு ரயிலானது (12666) வரும் 19 ஆம் தேதி மதுரை, கொடைக்கானல் சாலை, திண்டுக்கல் ரயில் நிலையங்களைத் தவிா்த்து, விருதுநகா், மானாமதுரை, காரைக்குடி, திருச்சி வழியாக இயக்கப்படும். ஸ்ரீ மாதா வைஷ்ண தேவி காட்ரா - திருநெல்வி விரைவு ரயிலானது (16788) வரும் 17 ஆம் தேதி திண்டுக்கல், கொடைக்கானல் சாலை, மதுரை ரயில் நிலையங்களைத் தவிா்த்து திருச்சி,காரைக்குடி, மானாமதுரை, விருதுநகா் வழியாக இயக்கப்படும். குருவாயூா் - சென்னை எழும்பூா் விரைவு ரயிலானது (16128) வரும் 17, 18, 19, 20, 21 ஆம் தேதிகளில் மதுரை, சோழவந்தான், கொடைக்கானல் சாலை, திண்டுக்கல், மணப்பாறை ரயில் நிலையங்களைத் தவிா்த்து, விருதுநகா், மானாமதுரை, காரைக்குடி, திருச்சி வழியாக இயக்கப்படும். கன்னியாகுமரி - ஹைதராபாத் சிறப்பு ரயிலானது (07229) வரும் 18 ஆம் தேதி மதுரை, கொடைக்கானல் சாலை, திண்டுக்கல் ரயில் நிலையங்களைத் தவிா்த்து விருதுநகா், மானாமதுரை, காரைக்குடி, திருச்சி ரயில் நிலையங்கள் வழியாக இயக்கப்படும். மும்பை சிஎஸ்டிஎம் விரைவு ரயிலானது (16352) வரும் 20 ஆம் தேதி மதுரை, திண்டுக்கல் ரயில் நிலையங்களைத் தவிா்த்து மானாமதுரை, காரைக்குடி, திருச்சி வழியாக இயக்கப்படும். தாமதப் புறப்பாடு: மதுரை - கச்சிகுடா சிறப்பு ரயிலானது (07192) வரும் 16 ஆம் தேதி மதுரையிலிருந்து 80 நிமிஷங்கள் தாமதமாக பிற்பகல் 12 மணிக்குப் புறப்படும். ராமேஸ்வரம் - சாரலப்பள்ளி சிறப்பு ரயிலானது (07696) வரும் 18 ஆம் தேதி ராமேஸ்வரத்திலிருந்து 9.50 மணி நேரம் தாமதமாக இரவு 7 மணிக்குப் புறப்படும். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

துவாக்குடி துணை மின்நிலையத்தில் மாதாந்திர பராமரிப்புப் பணிகள் காரணமாக,  நேரு நகா், அண்ணா வளைவு, ஏ.ஓ.எல்., அக்பா் சாலை, அசூா், அரசு பாலிடெக்னிக், எம்.டி. சாலை, ராவுத்தன் மேடு, பெல் நகா், இந்திரா நகா், பெல் நகரியம் ஏ,பி,சி,இ,ஆா், பிஎச் பிரிவுகள், என்ஐடி, துவாக்குடி, துவாக்குடி தொழிற்பேட்டை, தேனேரிப்பட்டி, பா்மா நகா், தேவராயநேரி, பொய்கைக்குடி  துவரங்குறிச்சி துணை மின்நிலையத்தில் மாதாந்திர பராமரிப்புப் பணிகள் காரணமாக,  பஞ்சாயத்து, செவந்தம்பட்டி, சடவெலம்பட்டி, அதிகாரம், ஆலம் பட்டி,  தேதூர், உசிலம்பட்டி, அழகாபுரி, அக்கியம் பட்டி, ராமாயாபுரி, பிடாரிபட்டி, ஐக்கியக்குறிச்சி, காரப்பட்டி, கல்லக்கம் பட்டி, வேல குறிச்சி, கரடிப்பட்டி ஆகிய பகுதிகளில் வியாழக்கிழமை காலை 9.45 மணி முதல் மாலை 4 மணி வரை மின்விநியோகம் தடை செய்யப்படுகிறது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

இது தொடர்பாக 11.01.2025 அன்று நடைபெற்ற DISHA இரண்டாவது கூட்டத்தில் பேசப்பட்டது. அப்போதே, G கார்னர் பகுதியில் சுரங்கப்பாதை அமைப்பது தொடர்பாக திருச்சி ரயில்வே கோட்ட மேலாளரிடம் கோரிக்கை விடுக்கப்பட்டது. அதன் பிறகு, 25.01.2025 அன்று தென்னக ரயில்வே அதிகாரிகள், தேசிய நெடுஞ்சாலைத் துறை அதிகாரிகள், போக்குவரத்து காவல்துறை அதிகாரிகள் ஆகியோரை ஒருங்கிணைத்து கள ஆய்வு மேற்கொள்ளப்பட்டது. இந்த பிரச்சனைக்கு தீர்வு காண என்ன வழிகள் உள்ளன என்பது குறித்து ஆராயப்பட்டது. அப்போது, ரயில்வே, தேசிய நெடுஞ்சாலை, போக்குவரத்து காவல் ஆகிய மூன்று துறை அதிகாரிகளும் சேர்ந்து சுரங்கப்பாதை அமைப்பதற்கான பணிகளை தொடங்கினார்கள். 06.02.2025 அன்று இயக்கத் தந்தை தலைவர் வைகோவை அழைத்துக்கொண்டு ஒன்றிய சாலைப் போக்குவரத்து மற்றும் நெடுஞ்சாலைத்துறை அமைச்சர் நிதின் கட்கரியை சந்தித்தேன். ஜி-கார்னர் பகுதியில் விரைந்து சுரங்கப்பாதை அமைக்க திட்டம் தயாரித்து, நிதி ஒதுக்கீடு செய்து, கட்டுமானப் பணிகளை தொடங்க வழி செய்யுமாறு கேட்டுக்கொண்டேன். 22.02.2025 அன்று மதுரை கோட்ட அலுவலகத்தில் தேசிய நெடுஞ்சாலை துறை மண்டல அலுவலர் கோவிந்தராஜனையும், தேசிய நெடுஞ்சாலைத்துறை திட்ட இயக்குனர் பிரவீன் குமாரையும் சந்தித்து இதுகுறித்து பேசினேன். ஜி கார்னர் பகுதியில் (Vehicle Under Pass - VUP) எனப்படும் வாகனச் சுரங்கப் பாதை அமைக்க தேவையான கட்டுமானப் பணிகளை விரைவில் தொடங்க நடவடிக்கை எடுக்குமாறு கேட்டுக்கொண்டேன். 27.02.2025 அன்று NHAI மற்றும் ரயில்வே அதிகாரிகளுடன் இணைந்து, நில-அளவையாளர் (Surveyor) மூலம் வாகன சுரங்கப்பாதைக்கு தேவைப்படும் நிலங்களை கணக்கிடும் பணி நடைபெற்றது. கோரிக்கை வைத்த நாள் முதல் இன்று வரை அதற்கான முயற்சிகள் தொடர்ந்துகொண்டே இருக்கின்றன. இதனைத்தொடர்ந்து நேற்று மாலை 4 மணியளவில் திருச்சி கோட்ட ரயில்வே அலுவலகத்தில் ஒரு முக்கியமான சந்திப்பு நடைபெற்றது. திருச்சி கோட்ட ரயில்வே மேலாளர், தேசிய நெடுஞ்சாலைத்துறை அதிகாரிகள், விரிவான திட்ட அறிக்கை வழங்கும் நிறுவன உயர் அதிகாரிகள் ஆகியோர் இந்த ஆலோசனையில் கலந்து கொண்டனர். ஜி-கார்னரில் சுரங்கப்பாதை அமையும் வரை முயற்சிகள் தொடரும். அதிகாரிகளின் ஒத்துழைப்போடு பணிகள் முன்னேறிச் செல்லும் என்று உறுதியாக கூறப்பட்டுள்ளது. இதேபோல் திருச்சி கோட்ட ரயில்வே அலுவலகத்தில் DRMஐ சந்தித்து, திருவெறும்பூர் ரயில் நிலைய மேம்பாட்டுக்கான சில கோரிக்கைகள் அடங்கிய கடிதம் கொடுக்கப்பட்டது. அதில், சோழன் விரைவு ரயிலை திருவெறும்பூர் ரயில் நிலையத்தில் நிறுத்திச் செல்ல ஏற்கனவே ஒப்புதல் அளித்தும் இதுவரை நிறுத்தப்படவில்லை. எனவே, உடனடியாக அதை நிறுத்த உத்தரவிட வேண்டும் என்று கோரிக்கை வைக்கப்பட்டது. மேலும், செம்மொழி, எர்ணாகுளம் - காரைக்கால், இராமேஸ்வரம் - திருப்பதி, இராமேஸ்வரம் - சென்னை ஆகிய விரைவு ரயில்களையும் திருவெறும்பூர் ரயில் நிலையத்தில் நின்று செல்ல நடவடிக்கை எடுக்க வேண்டும் என்றும் கோரிக்கை வைக்கப்பட்டது. திருவெறும்பூர் பேருந்து நிலையத்திலிருந்து ரயில் நிலையம் செல்வதற்கு ரயில்வே காம்பவுண்ட் சுவர் ஒட்டிய பாதை தற்போது திறக்கப்பட்டுள்ளது. அந்தப் பாதையில் மாநகராட்சி தார்ச் சாலைக்கும், ரயில் நிலைய இடத்தில் அமைக்கப்பட்டுள்ள சிமெண்ட் தளத்திற்கும் இடையில் சுமார் 130 அடி மண் தரையாக உள்ளது. அந்த இடத்தில் சாலை அமைத்து தர வேண்டும் என்றும் கோரிக்கை வைக்கப்பட்டது. இந்த கோரிக்கையின் அவசியத்தை எடுத்துரைத்தேன். இவ்வாறு அவர் கூறினார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

சென்னை - திருச்சி தேசிய நெடுஞ்சாலையில், தாம்பரம் முதல் திண்டிவனம் வரை ஸ்மார்ட் தேசிய நெடுஞ்சாலையாக மாற உள்ளது. சென்னை - திருச்சி தேசிய நெடுஞ்சாலை சென்னையிலிருந்து, தென் மாவட்டங்களுக்கு செல்பவர்களுக்கு மிக முக்கிய நெடுஞ்சாலையாக இருந்து வருகிறது. நாள்தோறும் லட்சக்கணக்கான வாகனங்கள், ஜி.எஸ்.டி., சாலையை பயன்படுத்தி வருகிறது. இதேபோன்று சென்னையின் புறநகர் பகுதியாக இருக்கக்கூடிய, வண்டலூர் முதல் செங்கல்பட்டு வரை போக்குவரத்து நெரிசல் அதிகரித்து வருகிறது.  மிகவும் பரபரப்பாக இயங்கக்கூடிய தேசிய நெடுஞ்சாலையாக இருந்தாலும், பாதுகாப்பு என்பது கேள்விக்குறியாகவே இருக்கிறது. குறிப்பாக தேசிய நெடுஞ்சாலைகளில் தாம்பரம் முதல் திண்டிவனம் வரை பெரும்பாலான இடங்களில் மின்விளக்கு வசதிகள் இல்லை என்ற குற்றச்சாட்டு இருந்து வருகின்றன. அதாவது ஒரு குறிப்பிட்ட பகுதிக்கு நெடுஞ்சாலையில் உள்ள தெருவிளக்குகள், பராமரிப்பாளர்களால் பராமரிக்கப்படுகிறது. பல நேரங்களில் உரிய நேரத்தில் தெருவிளக்குகள், ஆன் செய்யப்படுவதில்லை. அதேபோன்று 24 மணி நேரமும் தெருவிளக்கு எரிகின்ற சூழலும் சில நேரங்களில் ஏற்படுகிறது. தாம்பரம் முதல் திண்டிவனம் வரை, இன்டர்நெட் ஆஃப் திங்ஸ் (IoT) இணையத்துடன் முழுமையாக ஒருங்கிணைக்கப்படவுள்ள தமிழகத்தின் முதல் நெடுஞ்சாலையாக தரம் உயர்த்தப்பட உள்ளது.இந்த வழித்தடத்தில் உள்ள அனைத்து சாலை விளக்குகளிலும் சென்சார்கள் பொருத்தப்படும். சென்னை திருச்சி தேசிய நெடுஞ்சாலையில் வரவிருக்கும் புதிய அமைப்பின் கீழ், சென்சார்கள் மற்றும் டைமர்கள் பொருத்தப்படும். சென்சார்கள் மூலம் சூரிய ஒளி எவ்வளவு இருக்கிறதோ அதற்கு ஏற்றார்போல் மின்விளக்குகள் செயல்படும். தற்போது இருக்கும் சூழலில், மின்சாரம் அதிக அளவு வீணாகி வருவதாகவும், இந்த திட்டம் பயன்பாட்டிற்கு வந்தால் மின்சாரம் பெருமளவு சேமிக்கப்படும் என எதிர்பார்க்கப்படுகிறது. சரியான நேரத்தில் மின்விளக்குகள் எரிய விடுவதில்லை என்ற குற்றச்சாட்டுக்கும் தீர்வாக அமையும் என அதிகாரிகள் தெரிவிக்கின்றனர். IoT சென்சார்களை பயன்படுத்தி ஆம்புலன்ஸ்கள், ரோந்து வாகனங்கள் மற்றும் மீட்பு கிரேன் வாகனங்களின் செயல்பாடுகளை கண்காணிக்க முடியும் எனவும் அதிகாரிகள் தெரிவித்துள்ளனர். இதன் மூலம் விபத்துக்கள் ஏற்படுகிறது என்றால், எவ்வளவு விரைவாக மீட்பு பணிகள் நடைபெறுகிறது என்பதை அறிந்து கொள்ள முடியும். இதன் மூலம் கிடைக்கும் தகவல்களை பயன்படுத்தி, எதிர்காலத்தில் சேவைகளை உடனடியாக வழங்க முடியும் எனவும் தகவல்கள் தெரிவிக்கின்றன. ஜியோ-ஃபென்சிங் மூலம், ரோந்து வாகனங்கள் குறிப்பிட்ட மண்டலங்களுக்குள்ளேயே இருப்பதை உறுதி செய்ய முடியும். ஏதேனும் விதிமிரல்கள் ஏற்பட்டால், அது உடனடியாக எச்சரிக்கை தகவலை அனுப்பி வைக்கும். இது போன்ற பல்வேறு அம்சங்கள் இதில் இடம்பெறும் என அதிகாரிகள் தெரிவித்துள்ளனர். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

கல்லக்குடி துணை மின்நிலையத்தில் பராமரிப்புப் பணிகள் நடைபெறுவதன் காரணமாக கல்லக்குடி, வடுகா்பேட்டை, பளிங்காநத்தம், மேலரசூா், மால்வாய், சரடமங்கலம், எம். கண்ணனூா், ஒரத்தூா், சாத்தப்பாடி, சிலுவைப்பட்டி, ஆமரசூா், தாப்பாய், வரகுப்பை, சிறுகளப்பூா், அழந்தலைப்பூா், கருடமங்கலம், வந்தலை கூடலூா், சிறுவயலூா், காணக்கிளியநல்லூா், பெருவளப்பூா், குமுளூா், தச்சங்குறிச்சி, புஞ்சை சங்கேந்தி, வி.சி.புரம், கோவண்டாக்குறிச்சி, புதூா்பாளையம், ஆலம்பாக்கம், விரகாலூா், ஆ. மேட்டூா், நத்தம், திருமாங்குடி, டி. கல்விகுடி, ஆலங்குடிமகாஜனம், செம்பரை, திண்ணியம், அரியூா், கல்லகம், கீழரசூா், புள்ளம்பாடி மணப்பாறையை அடுத்துள்ள புத்தாநத்தம் துணை மின் நிலையத்தில் மாதாந்திர பராமரிப்புப் பணிகள் நடைபெறுகிறது. எனவே, இந்த மின் நிலையத்திலிருந்து மின்சாரம் பெறும் பகுதிகளான புத்தாநத்தம், இடையபட்டி, காவல்காரன்பட்டி, புங்குருனிபட்டி, கணவாய்பட்டி, கழனிவாசல்பட்டி, சமத்துவபுரம், பிள்ளையாா்கோவில்பட்டி, பிச்சம்பட்டி, சுக்காம்பட்டி, முத்தாழ்வாா்பட்டி, சீல்நாயக்கன்பட்டி, டி.தம்மநாயக்கன்பட்டி, டி.கருப்பூா், கருமலை, மணியங்குறிச்சி, கள்ளக்காம்பட்டி, டி.புதுப்பட்டி, எண்டபுளி மற்றும் மாங்கனாப்பட்டி  ஆகிய பகுதிகளில் செவ்வாய்க்கிழமை காலை 9.45 மணி முதல் மாலை 4 மணி வரை மின் விநியோகம் இருக்காது திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

திருச்சி மாநகரப் போக்குவரத்து நெரிசலுக்குத் தீா்வு காண திருச்சி-மதுரை-சென்னை தேசிய நெடுஞ்சாலையிலுள்ள பஞ்சப்பூரில் புதிய பேருந்து முனையம் கட்டப்பட்டது. இந்தப் பேருந்து முனையத்தில் மொத்தம் 401 பேருந்துகளை ஒரே நேரத்தில் நிறுத்த வசதிகள் உள்ளன. இதன்படி நகரப் பேருந்துகளுக்கு 56 நிறுத்துமிடங்கள், வெளியூா் பேருந்துகளுக்கு 141, மற்ற பேருந்துகள் வந்து செல்ல 120 நிறுத்துமிடங்களும் அமைக்கப்பட்டுள்ளன. இதுமட்டுமின்றி 1,935 இருசக்கர வாகனங்கள், 216 காா்கள், 100 ஆட்டோக்கள் நிறுத்தவும் வசதி உள்ளது. மேலும் அனைத்து இடங்களிலும் குளிரூட்டப்பட்ட வசதியும் உள்ளது. திருச்சி பஞ்சப்பூரில் பல்வேறு வசதிகளுடன் அமைக்கப்பட்டுள்ள ஒருங்கிணைந்த பேருந்து முனையத்தை முதல்வர் ஸ்டாலின் கடந்த மே 9 ஆம் தேதி திறந்து வைத்தார். இந்நிலையில், வரும் 16 ஆம் தேதி முதல் மக்கள் பயன்பாட்டிற்கு திறக்கப்படும் என்று அமைச்சர் கே. என். நேரு தகவல் தெரிவித்துள்ளார். இது தொடர்பாக அமைச்சர் கே. என். நேரு செய்தியாளர்களுக்கு அளித்த பேட்டி: திருச்சி பஞ்சப்பூரில் புதிய பேருந்து முனையம் கட்டப்பட்டு மே 9 ஆம் தேதி முதலமைச்சரால் திறக்கப்பட்ட முத்தமிழறிஞர் கலைஞர் கருணாநிதி பேருந்து முனையம் வரும் 16ஆம் தேதி முதல் மக்கள் பயன்பாட்டிற்கு கொண்டு வரப்படும். மக்களுக்கான அனைத்து அடிப்படை வசதிகளும் பேருந்து முனையத்தில் ஏற்படுத்தப்பட்டுள்ளது. பேருந்து முனையம் செயல்பாட்டிற்கு வந்த சில நாள்களில் அனைத்து கடைகளும் இயங்கும். சத்திரம் பேருந்து நிலையம் மற்றும் மத்திய பேருந்து நிலையம் வழக்கம்போல செயல்பாட்டில் இருக்கும். தற்போதைக்கு தனியார் பேருந்துகள் விருப்பப்பட்டால் பஞ்சப்பூர் பேருந்து நிலையம் வரலாம். மக்கள் முழுமையாக பஞ்சப்பூர் பேருந்து நிலையத்தை பயன்படுத்தும்போது தனியார் பேருந்துகளும் அங்கு வந்து விடுவார்கள். ஆனால், அனைத்து அரசுப் பேருந்துகளும் பஞ்சப்பூர் பேருந்து நிலையத்திலிருந்து இயக்கப்படும்” என்றார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

திருச்சி மாநகராட்சி, மலைக்கோட்டை தாயுமானசுவாமி கோவிலுக்கு ஒரு பார்க்கிங் இடத்தை உருவாக்க உள்ளது. இதற்கான ஆரம்பகட்ட வேலைகள் நடந்து வருகின்றன. இந்த பார்க்கிங் இடத்திற்காக ரூ.47.2 லட்சம் செலவு செய்யப்பட உள்ளது. HR&CE துறையால் நிர்வகிக்கப்படும் மலைக்கோட்டை கோவிலுக்கு நிறைய பக்தர்கள் வருகிறார்கள். NSB சாலை மற்றும் ஆண்டார் தெரு வழியாக கோவிலுக்கு செல்லலாம். இந்த இரண்டு தெருக்களுமே குறுகலானவை. கோவிலுக்கு வரும் பக்தர்கள் சறுக்குப்பாதை நுழைவு வாயில் மற்றும் கிழக்கு பவுல்வர்டு சாலையில் வாகனங்களை நிறுத்துகிறார்கள். இதனால் போக்குவரத்து நெரிசல் ஏற்படுகிறது.  முனீஸ்வரன் கோவில் அருகில் உள்ள தாயுமானவர் தெருவில் சுமார் 30,000 சதுர அடி நிலம் பார்க்கிங் இடத்திற்காக தேர்வு செய்யப்பட்டுள்ளது. இதற்கு முன்பு அந்த இடத்தில் பழுதடைந்த பொது கழிப்பிடம் இருந்தது. அதை இடித்துவிட்டு பார்க்கிங் வசதிக்காக தயார் செய்கிறார்கள். ஒரு மாதத்தில் சுற்றுச்சுவர் மற்றும் விளக்குகள் அமைக்கப்படும்" என்று மாநகராட்சி அதிகாரி தெரிவித்தார். இந்த பார்க்கிங் இடத்தில் ஒரே நேரத்தில் 50 கார்கள் வரை நிறுத்த முடியும் என்று அதிகாரிகள் தெரிவித்தனர். இந்த இடத்தை பயன்படுத்த பக்தர்களிடம் கட்டணம் வசூலிக்கப்பட வாய்ப்புள்ளது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

திருச்சி மாவட்டம் எடமலைப்பட்டிபுதூரில் உள்ள கொல்லாங்குளத்தை அழகாக்கும் பணிகள் 24 கோடி ரூபாய் செலவில் நடந்து வருகிறது. இது விரைவில் பொதுமக்களின் பொழுபோக்கிற்காக பயன்பாட்டுக்கு வரும் என்று எதிர்பார்க்கப்படுகிறது. குளத்திற்குள் கழிவுநீர் கலப்பதை தடுக்க, கழிவுநீர் சுத்திகரிப்பு நிலையம் (STP) அமைக்கப்படுகிறது. காட்டாளைமேடு வாய்க்கால் மூலம் குளத்திற்கு தண்ணீர் வருகிறது. கே.கே.நகர், ஒலையூர், பஞ்சப்பூர், கிராஃபோர்ட், E.புதூர் பகுதிகளில் இருந்து வரும் மழைநீர், இந்த குளத்தில் சேர்கிறது. பின்னர், கீழ்போக்கி வாசல் வழியாக காவேரி ஆற்றுக்கு தண்ணீர் செல்கிறது. குளத்தின் கரைகள் பலவீனமாக இருந்ததால், மழைநீர் வெளியேறி திருச்சி-திண்டுக்கல் NH சாலையில் வெள்ளம் ஏற்பட்டது. குறிப்பாக கருமண்டபம், பொன்னகர் பகுதிகளில் தண்ணீர் தேங்கியது. 2024-ல் குளம் சீரமைப்பு திட்டத்தை மாநகராட்சி முன்மொழிந்தது. ஆனால், சிலர் நீதிமன்றத்தில் தடை பெற்றனர். குளத்தின் கொள்ளளவு குறையும் என அவர்கள் வாதிட்டனர். சமீபத்தில், நீதிமன்றம் தடையை நீக்கியது. குளத்தின் கொள்ளளவை பாதிக்காத வகையில் சீரமைப்பு பணிகளை மேற்கொள்ள அனுமதி அளித்தது. நீதிமன்ற உத்தரவின்படி, மாநகராட்சி திட்டத்தில் சில மாற்றங்களை செய்துள்ளது. மாநகராட்சி அதிகாரி ஒருவர் கூறுகையில், "மீன்பிடி தளம், காட்சி தளம், மரத்தீவுகள் போன்றவற்றை நீக்கிவிட்டோம். இது பாதுகாப்பை உறுதி செய்யும். மேலும், கொள்ளளவை பாதிக்காமல் இருக்கும். கரைகள் பலப்படுத்தப்படும். தண்ணீர் வெளியேறாமல் இருக்க தடுப்பு சுவர்கள் கட்டப்படும்" என்றார். இந்த திட்டம் மூன்று கட்டங்களாக நடக்கும். இரண்டு கட்டங்கள் E.புதூர் பக்கத்திலும், ஒரு கட்டம் கருமண்டபம் பக்கத்திலும் நடக்கும். கழிவுநீர் சுத்திகரிப்பு நிலையம் மூலம் அருகில் உள்ள வார்டுகளில் இருந்து வரும் கழிவுநீர் சுத்திகரிக்கப்படும். ஒரு நகரின் நீர்நிலையில் கழிவுநீர் சுத்திகரிப்பு நிலையம் அமைப்பது இதுவே முதல் முறை. கிராஃபோர்ட் ரயில்வே மேம்பாலத்தின் கீழ் கார் மற்றும் இரு சக்கர வாகனங்கள் நிறுத்தும் இடம் இருக்கும். E.புதூர் காவல் நிலையம் அருகே குளத்திற்கு பிரதான நுழைவு வாயில் இருக்கும். சீரமைப்பு பணி ஒரு வருடத்தில் முடியும் என எதிர்பார்க்கப்படுகிறது. ஆனால், கரைகளில் உள்ள 170 ஆக்கிரமிப்புகளை அகற்றுவது சவாலாக இருக்கும். "ஆக்கிரமிப்பாளர்களுக்கு மாற்று இடங்களில் நிலம் அல்லது வீடு வழங்கப்படும். அதன் பிறகே அவர்கள் அங்கிருந்து வெளியேற்றப்படுவார்கள்" என அதிகாரி தெரிவித்தார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

திருச்சி ஜமால் முகமது கல்லூரி (தன்னாட்சி) 1951 ம் ஆண்டு ஜுலை 11-ம் தேதி என்.எம்.காஜாமியான் ராவுத்தர் மற்றும் எம்.ஜமால் முகமது சாகிப் ஆகியோரால் துவங்கப்பட்டு சாதி, மத, இன வேறுபாடின்றி ஏழை, எளிய மாணவர்களுக்கு உயர்கல்வியை வழங்கி 75 ஆண்டுகளாக சேவையாற்றி வருகிறது.  தற்போது 26 இளங்கலை, 20 முதுகலை மற்றும் 17 முனைவர் பட்ட படிப்புகளை 4000 க்கும் மேற்பட்ட மாணவிகள் உட்பட 11,000 மாணவர்களுக்கு கல்வி வழங்கி வருகிறது. குறிப்பாக NAAC ன் நான்காம் சுற்றில் CGPA 4.0 கிற்கு 3.69 புள்ளிகளுடன் A+ தரத்தினைப் பெற்றுள்ளது. மேலும் இந்திய அரசின் மனிதவள மேம்பாட்டு அமைச்சரவையின் NIRF தரப்பட்டியலில் அகில இந்திய அளவில் 59- வது இடத்தைப் பெற்று இக்கல்லூரி சிறந்து விளங்கி வருகிறது.  இந்நிலையில் பவளவிழா ஆண்டின் துவக்கவிழா ஜூலை 9ம் தேதி கல்லூரி வளாகத்தில் கோலாகலமாக நடைபெற உள்ளது. விழாவின் சிறப்பு விருந்தினராக தமிழ்நாடு முதலமைச்சர் மு.க.ஸ்டாலின் கலந்து கொண்டு , கல்லூரி வளாகத்தில் புதிதாக கட்டப்பட்ட கட்டிடத்தை திறந்து வைத்து, விழா பேருரையாற்ற உள்ளார். அவருக்கு சிறுபான்மை உரிமைக்காக்கும் “தகைசால் திராவிட நாயகன்” என்ற விருது கல்லூரி நிர்வாகம் சார்பாக வழங்கப்பட உள்ளது.  இந்த நிகழ்வில் கல்லூரியின் முன்னாள் மாணவர், இந்திய யூனியன் முஸ்லிம் லீக்கின் தலைவர் பேராசிரியர் கே.எம்.காதர் மொகிதீன், அமைச்சர்கள் கே.என்.நேரு, அன்பில் மகேஷ் பொய்யாமொழி, கோவி.செழியன், ஜமால் முகமது கல்லூரி நிர்வாகக்குழுத் தலைவர் எம்.ஜே.ஜமால் முகமது பிலால், செயலாளர் மற்றும் தாளாளர் ஏ.கே.காஜா நஜீமுதீன், பொருளாளர் எம்.ஜே. ஜமால் முகமது, உதவிச்செயலாளர் கே. அப்துல் சமது, நிர்வாகக்குழு உறுப்பினர் மற்றும் கௌரவ இயக்குநர் கே.என்.அப்துல் காதர் நிஹால், மாநகராட்சி மேயர் மு.அன்பழகன், நாடாளுமன்ற மாநிலங்களவை உறுப்பினர் சிவா, திருச்சி நாடாளுமன்ற உறுப்பினர் துரை வைகோ, பெரம்பலூர் நாடாளுமன்ற உறுப்பினர் அருண் நேரு, நாடாளுமன்ற மாநிலங்களவை உறுப்பினர் கவிஞர் சல்மா மற்றும் திருச்சி கிழக்கு சட்டமன்ற உறுப்பினர் இனிகோ இருதயராஜ் ஆகியோர் முன்னிலை வகிக்கின்றனர்.  திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI