இதுகுறித்து திருச்சி கோட்ட ரயில்வே நிா்வாகம் வெளியிட்டுள்ள செய்திக்குறிப்பில் கூறியிருப்பதாவது: பொறியியல் பணிகள் காரணமாக, செங்கோட்டை - மயிலாடுதுறை விரைவு ரயிலானது (16848) ஜூலை 4, 5, 7, 8, 9 ஆகிய தேதிகளில் கள்ளிக்குடி, திருமங்கலம், திருப்பரங்குன்றம், மதுரை, கொடைக்கானல் சாலை, திண்டுக்கல், வடமதுரை, வையம்பட்டி, மணப்பாறை ரயில் நிலையங்களைத் தவிா்த்து, விருதுநகா், மானாமதுரை, காரைக்குடி, திருச்சி ரயில் நிலையங்கள் வழியாகச் செல்லும். கன்னியாகுமரி - ஹைதராபாத் சிறப்பு ரயிலானது (07229) வரும் 4 ஆம் தேதியும், கன்னியாகுமரி - ஹவுரா அதிவிரைவு ரயிலானது (12666) வரும் 5 ஆம் தேதியும், மாதா வைஷ்ணவ தேவி காட்ரா - திருநெல்வேலி விரைவு ரயிலானது (16788) வரும் 3-ஆம் தேதியும் மதுரை, கொடைக்கானல் சாலை, திண்டுக்கல் ரயில் நிலையங்களைத் தவிா்த்து, விருதுநகா், மானாமதுரை, காரைக்குடி, திருச்சி வழியாக இயக்கப்படும். கால தாமதம்: சென்னை எழும்பூா் - திருச்சி சோழன் அதிவிரைவு ரயிலானது (22675) வரும் 5, 6, 7-ஆம் தேதிகளில் தேவைப்படும் இடங்களில் 30 நிமிஷங்கள் நின்று தாமதமாகச் செல்லும். மதுரை - கச்சிகுடா சிறப்பு ரயிலானது (07192) வரும் 2-ஆம் தேதி 80 நிமிஷங்கள் தாமதமாக காலை 10.40 மணிக்குப் பதிலாக நண்பகல் 12 மணிக்குப் புறப்படும். ராமேசுவரம் - சாா்லப்பள்ளி சிறப்பு ரயிலானது (07696) வரும் 4-ஆம் தேதி 9.50 மணி நேரம் தாமதமாக காலை 9.10 மணிக்குப் பதிலாக இரவு 7 மணிக்குப் புறப்படும். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

எதிர்க்கட்சித் தலைவர் எடப்பாடி பழனிச்சாமி திருச்சி பஞ்சப்பூர் பேருந்து நிலையம் திறக்கப்படவில்லை என்றும், மேரிஸ் பாலம், ஜங்ஷன் மேம்பால பணிகள் ஆமை வேகத்தில் நடைபெறுவதாகவும் இதனைக் கண்டித்து ஆர்ப்பாட்டம் நடத்துவதாக அறிவித்துள்ளார். மாநகராட்சியை பொருத்தவரை 10 ஆண்டுகளாக அதிமுக ஆட்சி இருந்தபோது எந்தவித திட்டங்களும் செயல்படுத்தப்படாமல் இருந்து வந்தது. அதன்பிறகு திராவிட மாடல் ஆட்சி பொறுப்பேற்ற பிறகு பல்வேறு திட்டங்கள் செயல்படுத்தப்பட்டன. குறிப்பாக அதிமுக ஆட்சியில் நிறுத்தப்பட்ட 851 கிலோமீட்டர் பாதாள சாக்கடை பணி மற்றும் 75 கிலோமீட்டர் குடிநீர் திட்டம் போன்றவற்றை திமுக அரசு பொறுப்பேற்ற பிறகு செயல்படுத்தியது. நான்கு ஆண்டுகளில் 2000 கோடிக்கு மேல் வளர்ச்சி திட்ட பணிகள் செய்யப்பட்டு உள்ளது. மாரீஸ் பாலம் இடிக்கும் பணியை ரயில்வே நிர்வாகம் செய்து வருவதால் தாமதமாகிறது. அதேபோல ஜங்ஷன் பாலமும் ரயில்வே நிர்வாகத்தால் தாமதமாகிறது. பாலக்கரை மற்றும் ராமகிருஷ்ணா பாலத்தை சரி செய்ய மாநகராட்சி நடவடிக்கை எடுக்க முயன்ற போது போலீசார் மாரீஸ் பாலபணி முடிந்த பிறகு மேற்கண்ட இரண்டு பாலத்தை சரி செய்யுமாறு அறிவுறுத்தினார்கள்.நிலைமை இப்படி இருக்க அவர் அரசியல் காழ்ப்புணர்ச்சி காரணமாக ஒன்றும் செய்யவில்லை என்று கூறுவது சரியானது அல்ல. பஞ்சப்பூர் பேருந்து நிலையத்தில் கடைகள் கட்ட மற்றும் அடிப்படை வசதிகளை செய்ய வேண்டி இருப்பதால் தாமதமாகி வருகிறது. என்று தெரிவித்தார். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

திருச்சி துறையூர்-புளியஞ்சோலை சாலை மற்றும் முசிறி-துறையூர்-ஆத்தூர் சாலை சந்திப்பில் மேம்பாடு செய்ய மாநில நெடுஞ்சாலைத்துறை திட்டமிட்டுள்ளது. இதன் மூலம் புளியஞ்சோலைக்கு பாதுகாப்பான வழியை ஏற்படுத்த முடியும். இதற்காக ரூ.92 லட்சம் மதிப்பிலான திட்டத்தை நெடுஞ்சாலைத்துறை சமர்ப்பித்துள்ளது. இந்த திட்டத்தின் மூலம் சாலை விபத்துகளை தடுக்க முடியும். இந்த சாலை மேம்பாட்டு திட்டத்தை இறுதி செய்ய மூத்த அதிகாரிகள் அங்கு சென்று இடத்தை ஆய்வு செய்தனர். முசிறி-தாத்தையங்கார்பேட்டை-எறகுடி-முருகூர் சாலை, SH 30 ஐ சந்திக்கும் இடத்தில், இருபுறமும் 150 மீட்டர் தூரத்திற்கு சாலை விரிவாக்கம் செய்யப்படும். இந்த சந்திப்பு இரண்டு மீட்டர் வரை விரிவாக்கம் செய்யப்படும். மேலும் போக்குவரத்தை ஒழுங்குபடுத்த ஒரு சென்டர் மீடியன் அமைக்கப்படும். இந்த திட்டத்திற்கு நிலம் கையகப்படுத்த தேவையில்லை. ஏனென்றால் நெடுஞ்சாலைத்துறைக்கு சொந்தமான நிலமே பயன்படுத்தப்படும். சுற்றுலா பயணிகளுக்கு வழிகாட்ட புதிய வழிகாட்டி பலகைகள் நிறுவப்படும். இந்த பணிகள் மூன்று மாதங்களில் முடிவடையும் என்று எதிர்பார்க்கப்படுகிறது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

பாரதிதாசன் சாலை பக்கத்தில் சாலையை கொஞ்சம் விரிவாக்கினால், புதிய சிக்னல் போடலாம் என்று காவல்துறை கூறியுள்ளனர். சிக்னல் அமைப்பதற்கான மற்ற வசதிகள் ஏற்கனவே ரவுண்டானாவில் உள்ளன. மேலும், "அய்யப்பன் கோவில் மற்றும் மேஜர் சரவணன் ரவுண்டானாவை நோக்கி வரும் வாகனங்களுக்கு இடது புறம் திரும்ப ஒரு வழி விட வேண்டும். தற்போது, ​​இடது புறம் திரும்ப தனியாக வழி இல்லை. அதனால் சாலையை விரிவாக்கம் செய்ய மாநகராட்சிக்கு கோரிக்கை வைக்கப்பட்டுள்ளது" என்று போக்குவரத்து காவல்துறை அதிகாரி ஒருவர் தெரிவித்தார். இடது புறம் திரும்ப தனியாக வழி இல்லை என்றால், கண்டோன்மென்ட் காவல் நிலைய சிக்னலில் வாகனங்கள் வரிசையில் நிற்க வேண்டியிருக்கும். புதுக்கோட்டை மற்றும் பிற மாவட்டங்களில் இருந்து நோயாளிகளை ஏற்றி வரும் ஆம்புலன்ஸ்கள் அடிக்கடி புத்தூரில் உள்ள MGMGH மருத்துவமனைக்கு செல்கின்றன. எனவே, சிக்னல் அமைப்பதற்கு முன்பு இடது புறம் திரும்ப ஒரு வழி கண்டிப்பாக தேவை என்று காவல்துறை கூறியுள்ளது. மாநகராட்சி இந்த இடத்தில் உள்ள ஒரு வடிகாலை மூட வேண்டும். அப்போதுதான் இடது புறம் திரும்பும் வழியை அமைக்க முடியும். பாரதிதாசன் சாலையை விரிவாக்கம் செய்ய சில தனியார் நிலங்களை கையகப்படுத்த வேண்டியிருக்கும் என்று திருச்சி மாநகராட்சி அதிகாரிகள் தெரிவித்தனர். இது தொடர்பாக மாவட்ட சாலை பாதுகாப்பு கவுன்சிலுடன் காவல்துறை தொடர்ந்து பேசுவார்கள் என்று எதிர்பார்க்கப்படுகிறது. இந்த நடவடிக்கை எடுக்கப்பட்டால், MGR சிலை ரவுண்டானாவில் போக்குவரத்து நெரிசல் குறையும் என்று நம்பப்படுகிறது.  திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

பொறியியல் பணிகள் காரணமாக காரைக்கால் ரயில் சேவையில் மாற்றம் செய்யப்பட்டுள்ளது. இதுகுறித்து திருச்சி கோட்ட ரயில்வே நிா்வாகம் வெளியிட்ட செய்திக்குறிப்பு: திருவாரூா் - கீழ்வேளூா் இடையேயான பொறியியல் பணிகள் காரணமாக, திருச்சி - காரைக்கால் டெமு ரயிலானது (76820) வரும் 30 ஆம் தேதி காரைக்கால் - திருவாரூா் இடையே பகுதியாக ரத்து செய்யப்பட்டு, திருச்சி - திருவாரூா் இடையே மட்டும் இயங்கும். மறுமாா்க்கமாக, காரைக்கால் - திருச்சி டெமு ரயிலானது (76819) வரும் 30 ஆம் தேதி திருவாரூா் - காரைக்கால் இடையே பகுதியாக ரத்து செய்யப்பட்டு, திருவாரூா் - திருச்சி இடையே மட்டும் இயங்கும். மேலும், திருவாரூரில் இருந்து மாலை 4.15 மணிக்குப் புறப்படும். காரைக்கால் - தஞ்சாவூா் பயணிகள் ரயிலானது (56817) வரும் 30 ஆம் தேதி தேவைப்படும் இடங்களில் 30 நிமிஷங்கள் நின்று தாமதமாகப் புறப்படும். வழித்தட மாற்றம்...: மயிலாடுதுறை - செங்கோட்டை விரைவு ரயிலானது (16847) வரும் ஜூலை 2 ஆம் தேதி மணப்பாறை, வையம்பட்டி, வடமதுரை, திண்டுக்கல், கொடைக்கானல் சாலை, மதுரை, திருப்பரங்குன்றம், திருமங்கலம், கள்ளிக்குடி ரயில் நிலையங்களைத் தவிா்த்து, திருச்சி, காரைக்குடி, மானாமதுரை, விருதுநகா் வழியாக இயக்கப்படும். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

தாம்பரம் மற்றும் திண்டிவனம் இடையே தற்போதுள்ள நிறுத்தங்கள் மற்றும் திருத்தப்பட்ட நேரங்கள் மூலம் பயணிகளின் கூடுதல் கூட்ட நெரிசலைக் குறைக்க சிறப்பு ரயில்களின் சேவைகளை நீட்டிக்க தெற்கு ரயில்வே அறிவித்துள்ளது. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

மலேஷிய தலைநகர் கோலாலம்பூரில் இருந்து, நேற்று காலை திருச்சி வந்த, 'பட்டிக்' விமான பயணியரிடம், திருச்சி விமான நிலைய வான் நுண்ணறிவு பிரிவு சுங்கத்துறை அதிகாரிகள் சோதனை மேற்கொண்டனர். அப்போது, ஆண் பயணி ஒருவர் கொண்டு வந்த உடைமைகளுக்குள், அரிய வகை விலங்கினமான அணில் குரங்கு ஒன்றை உயிருடன் கடத்தி வந்தது தெரிய வந்தது. அரிய வகை விலங்கை மீட்ட அதிகாரிகள், அதை கடத்தி வந்தவரிடம் விசாரிக்கின்றனர். இதுபோன்ற அரிய வகை அணில் குரங்குகள், மருத்துவ பரிசோதனைக்காகவும், செல்ல பிராணிகளாக வளர்ப்பதற்கும், இறைச்சிக்காகவும் கடத்தப்படுகின்றன. திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

திருச்சி கரூர் தேசிய நெடுஞ்சாலையில் விபத்துகளை குறைக்க புதிய வேகத்தடைகள் அமைக்கும் பணியானது நடைபெற்று வருகிறது . இது தொடர்பான பணிகள் வேகமாக நடைபெற்று வருகின்றன . திருச்சி-கரூர் தேசிய நெடுஞ்சாலையில் (NH) வருவாய் கோட்ட அதிகாரி ஒருவர் சாலை விபத்தில் உயிரிழந்ததைத் தொடர்ந்து, அங்கு பல்வேறு சாலை பாதுகாப்பு நடவடிக்கைகள் அறிமுகப்படுத்தப்பட்டுள்ளன. புதிய வேகத்தடைகள் விபத்து அபாயம் உள்ள இடங்களில் நிறுவப்பட்டுள்ளன. திருச்சி கிராமப்புற காவல்துறையினர், இரு திசை போக்குவரத்தை ஒழுங்குபடுத்தும் வகையில், தற்காலிக சாலை தடுப்பான்களை அமைத்துள்ளனர். மாநில நெடுஞ்சாலைத்துறை மூன்று வேகத்தடைகளை அமைக்க அனுமதி அளித்துள்ளது. அதில் இரண்டு, VIP வருகையின்போது அகற்றப்பட்டன. தற்போது, முருங்கப்பேட்டை பேருந்து நிறுத்தம் அருகே புதிய வேகத்தடை அமைக்கப்பட்டுள்ளது.  திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI

இதற்காக முக்கிய வால்வுகள் பொருத்தும் பணி முடிவடைந்துள்ளது. இந்த வால்வுகள் மூலம் அனைத்து பகுதிகளுக்கும் சீரான குடிநீர் விநியோகம் கிடைக்கும். சுமார் 14,819 வீடுகள் மற்றும் வணிக இணைப்புகளுக்கு இதன் மூலம் தண்ணீர் கிடைக்கும். ஏற்கனவே நடைமுறைப்படுத்தப்பட்ட DMA (District Metering Area) முறையில், தண்ணீர் இணைப்புகள் மண்டலங்களாக பிரிக்கப்பட்டுள்ளன. இதன் மூலம் தொடர்ந்து தண்ணீர் கிடைக்கும். உயரமான பகுதிகளில் குறைந்த அழுத்தத்தில் தண்ணீர் வருவது போன்ற பிரச்சனைகள் இருக்காது. வழக்கமாக ஒரு நாளைக்கு 3-4 மணி நேரம் மட்டுமே தண்ணீர் வரும் நிலை மாறும். இந்த திட்டத்தின் மூலம் எல்லா நேரமும் குடிநீர் கிடைக்கும். மேலும், தண்ணீர் பயன்பாட்டிற்கு ஏற்ப கட்டணம் வசூலிக்கப்படும். இதனால் மக்கள் தண்ணீரை கவனமாக பயன்படுத்துவார்கள். பாலயம் பஜார் பகுதியில் வால்வு பொருத்தும் பணி முடிந்துவிட்டது. தில்லை நகரில் உள்ள வணிக வளாகங்கள், ஹோட்டல்கள் மற்றும் மருத்துவமனைகளிலும் இந்த திட்டம் செயல்படுத்தப்பட உள்ளது. இது குறித்து அதிகாரி ஒருவர் கூறுகையில், "குடிநீர் விநியோகத்தில் ஏற்படும் இழப்புகளை குறைத்து, தண்ணீரை சிக்கனமாக பயன்படுத்த ஊக்குவிப்பதே இந்த திட்டத்தின் முக்கிய நோக்கம். அனைத்து குழாய் மற்றும் வால்வு வேலைகளும் முடிவடைந்த நிலையில், விரைவில் சோதனை ஓட்டம் நடத்தப்படலாம்" என்றார். இந்த திட்டத்திற்கு தினமும் 19.5 மில்லியன் லிட்டர் (MLD) தண்ணீர் தேவைப்படும் என கணக்கிடப்பட்டுள்ளது. எவ்வளவு தண்ணீர் வருகிறது, எவ்வளவு பயன்படுத்தப்படுகிறது என்பதை கண்காணிக்க SCADA (Supervisory Control and Data Acquisition) அமைப்பு நிறுவப்பட்டுள்ளது. இந்த அமைப்பு மாநகராட்சி அலுவலகத்தில் உள்ள ஒருங்கிணைந்த கட்டுப்பாட்டு மையத்தில் (ICCC) இருந்து கண்காணிக்கப்படும். SCADA என்பது ஒரு கம்ப்யூட்டர் அமைப்பு. இதன் மூலம் தண்ணீர் விநியோகத்தை கண்காணிக்கலாம். எங்காவது குழாய் உடைந்து தண்ணீர் வீணாகிறதா என்பதையும் கண்டுபிடிக்கலாம். இந்த திட்டத்தின் மூலம் தண்ணீர் கட்டணமும் மாறும். இதுவரை எவ்வளவு தண்ணீர் பயன்படுத்தினாலும் ஒரே மாதிரியான கட்டணம் இருந்தது. இனிமேல், யார் எவ்வளவு தண்ணீர் பயன்படுத்துகிறார்களோ, அதற்கு ஏற்றவாறு கட்டணம் வசூலிக்கப்படும். இதனால் மக்கள் தண்ணீரை வீணாக்காமல் கவனமாக பயன்படுத்துவார்கள். திருச்சி_நியூஸ் செய்திகளை வாட்ஸ் அப் வழி அறிய.... https://chat.whatsapp.com/D8ZXUpIxoyVG0b3qbBE6XI